- +

Eplakaka með hollum toppi

Ávextir
epli, perur, ber
hrásykur
þurrkað engifer, kanill

Deig
2 dl spelt
1½ dl möndlur eða hnetur að eigin vali, maukað gróft í matvinnsluvél
1 dl haframjöl
1½ dl kókosmjöl, sólblóma-, sesam-, hör- eða birkifræ
½ tsk sjávarsalt
75 g smjör eða mjúk kókosolía

Aðferð:
Hér er um að ræða gott hráefni, ávexti, hafra og miklu meira hollt og sykurmagni getur bakarinn algjörlega stjórnað sjálfur.

Ávextir að eigin vali eru bakaðir í ofni, hér notuð epli. 
Ofan á fer þurrt og mulið deig með hnetum og fræjum. 

Ávextir, aðferð: 

Hitið ofn í 200 gráður. Skerið epli eða perur í báta. Stráið sykri yfir eftir smekk, engiferi og kanil ef þið viljið. Stingið í ofn í 20 mínútur og mýkið. 

Deig, aðferð:

Hrærið allt hráefnið saman og úr verður mylsna. Kælið aðeins í ísskáp.

Setjið ávexti eða ber í form. Myljið deigið yfir. Bakið við 200 gráður í 15-20 mínútur.

Berið fram heitt, ekki slæmt þegar kólnar. Gott með rjóma, sýrðum rjóma og grískri jógúrt. 

 

Höfundur: Halla Bára Gestsdóttir og Gunnar Sverrisson