- +

Blaut súkkulaðikaka með marengskremi

Kaka innihald
240 g smjör við stofuhita
200 g sykur
240 g dökkur púðursykur
4 stk egg
360 g hveiti
3 msk kakó
3 tsk lyftiduft
¼ tsk salt
3 dl súrmjólk
50 ml sterkt kaffi
1 tsk vanilludropar

Krem innihald
5 stk eggjahvítur
340 g sykur
450 g smjör við stofuhita
¼ tsk salt
fræ úr einni vanillustöng

Skraut
grófsaxað súkkulaði

Aðferð:

Kaka aðferð

Stillið ofninn á 180 gráður og smyrjið tvö meðalstór hringlaga form að innan. Hrærið smjör og sykur vel saman. Bætið eggjum saman við einu í senn og hrærið vel á milli. Blandið hveiti, lyftidufti, kakói og sykri saman í skál og hrærið. Bætið hveitiblöndunni saman við deigið smátt og smátt í einu ásamt súrmjólkinni og kaffinu. Setjið því næst vanilludropa saman við og hrærið þar til allt hefur blandast vel saman. Skiptið deiginu jafnt milli tveggja hringlaga forma og bakið í rúmlega 30 mínútur eða þar til tannstöngull kemur hreinn upp úr miðju kökunnar. Kælið kökurnar alveg áður en þið setjið kremið á.

 

Krem aðferð:

Setjið eggjahvítur og sykur saman í skál og hitið yfir heitu vatnsbaði. Passið að láta skálina ekki liggja ofan í vatninu heldur aðeins fyrir ofan. Hrærið stanslaust þar til sykurinn hefur leysts alveg upp og blandan hefur náð rúmum 160 gráðu hita. Takið blönduna af vatnsbaðinu og hrærið í hrærivél á miklum hraða í rúmar 10 mínútur eða þar til kremið er orðið stíft eins og marengs og stendur sjálft. Skerið smjörið niður í litla bita og setjið þá hægt og rólega saman við kremið, hrærið vel á milli. Hræra þarf kremið mjög vel eða þar til það stendur sjálft líkt og marengs. Til þess að kremið verði það stíft gæti þurft að hræra kremið í 10 til 15 mínútur. Ef ykkur finnst kremið ekki orðið nægilega stíft eftir þann tíma þarf hreinlega að hræra lengur. Blandið fræjum úr einni vanillustöng saman við ásamt salti. Smyrjið kreminu á milli botnanna og yfir alla kökuna. Skreytið með grófsöxuðu súkkulaði.

 

Höfundur: Thelma Þorbergsdóttir