Skref1
- Bræddu smjörið í potti og bættu við sykri, kakódufti, salti og vanillusykri. Blandaðu vel.
- Eggin fara í eitt í einu. Hrærðu vel á milli.
- Síðast bætir þú hveiti við og blandar því varlega saman við.
- Náðu í ferkantað bökunarform (18x25 cm) eða kringlótt form. Settu bökunarpappír í botninn. Það gerir það svo miklu auðveldara að eiga við kökuna eftir að hún er bökuð. Helltu deiginu í formið og bakaðu hana í miðju ofnsins 20-25 mínutur við 175°C.
- Passaðu endilega að ofbaka ekki og leyfðu kökunni að kólna í forminu þegar hún er tilbúin.
Skref2
- Svo er það dásamlega súkkulaðitrufflan eða kremið.
- Helltu rjómanum í pott og láttu suðuna koma upp. Taktu pottinn af hellunni og láttu súkkulaðið út í ásamt smjöri.
- Hrærðu í svo súkkulaðið bráðnar saman við rjómann.
- Láttu súkkulaðiblönduna kólna og hún mun þykkna vel á meðan.
- Þetta tekur alveg klukkutíma og rúmlega það. Hrærðu í kreminu af og til.
-
- Smyrðu kreminu yfir kökuna þegar það er tilbúið og stráðu sjávarsaltflögum yfir.
- Þessi kaka verður eins og bestu konfektmolar ef hún fær að standa í ísskáp í nokkra klukkutíma - jafnvel fram á næsta dag.
Höfundur: Theodóra J. Sigurðardóttir Blöndal