- +

Svínalundir í beikon og rjómasósu

Innihald
1 kg svínalundir (1,2 kg)
olía til steikingar
salt og pipar

Sósa
1 stk rauðlaukur
100 g sveppir
10 stk þykkar beikonsneiðar
20 g þurrkaðir villisveppir, blandaðir
2 dl rjómi
100 g sveppasmurostur
3 dl kjötsoð epa vatn og teningar
maisenamjöl
salt og pipar

Aðferð:

Kjöt aðferð:

Hreinsið sinina ofan af svínalundunum og skerið í u.þ.b. 100 g bita. Setjið bitana upp á endann og berjið létt með buffhamri þannig að bitarnir verði allir jafn stórir eða u.þ.b.3 cm á þykkt. Brúnið á pönnu upp úr smá olíu og kryddið með salti og pipar. Setjið í eldfast form og hellið heitri sósunni yfir.  Setjið í 180° C. heitan ofn í 10 mínútur. Berið fram með ofnbökuðum kartöflum, litríku salati og grænmeti að eigin vali.

Sósa aðferð:

Saxið laukinn og sveppina, skerið beikonið í bita.  Steikið saman í olíu í þykkbotna potti uns brúnast, hellið rjómanum, sveppasmurostinum og soðinu saman við. Látið sjóða og smakkið til með pipar og kjötkrafti. Leggið villisveppina í bleyti í sjóðandi vatn í nokkrar mínútur, veiðið upp og setjið í sósuna, látið sósuna sjóða við vægan hita nokkrar mínútur til viðbótar. Þykkið með maisenamjöli úthrærðu í smá köldu vatni, passið að þykkja ekki of mikið. Mjög gott er að gefa sósunni smá skvettu af sérrí til bragðbætis.

Höfundur: Klúbbur matreiðslumeistara