- +

Mexíkóskur ofnréttur

Hráefni
200 g rjómaostur
1 msk smjör
1 stk meðalstór laukur, saxaður
1 stk rauð paprika
400 g gott nautahakk
1 pk Taco seasoning mix
1 dós niðursoðnir saxaðir tómatar
2 stk hvítlauksrif, marin
1 tsk sykur
nokkrir dropar af tabascosósu, má sleppa eða nota varlega þegar börn eru annars vegar
sjávarsalt og svartur pipar, eftir smekk
100 g gratínostur
4 msk niðursoðið jalapeno, saxað
6 stk vorlaukar, skornir í þunnar sneiðar eða 10 cm bútur af blaðlauk, skorinn í þunnar sneiðar
svartar ólífur, eftir smekk og skornar í sneiðar

Tillögur að meðlæti
ferskt salat
sýrður rjómi
guacamole
salsasósa
límónubátar
tortillakökur, salatblöð eða nachos-flögur

Aðferð:

Stillið ofn á 200°C. Smyrjið botn á eldföstu móti með rjómaosti og leggið til hliðar. Setjið smjör á heita pönnu og mýkið lauk og papriku. Blandið nautahakkinu saman við og steikið áfram. Þegar kjötið er steikt sáldrið Taco kryddblöndunni yfir og hrærið í. Bætið síðan út á pönnuna: niðursoðnum tómötum, sykri, hvítlauk, örlítilli tabascosósu, salti og pipar. Látið malla án loks í 10 mínútur á meðalhita eða þar til mest allur vökvi hefur gufað upp.

Dreifið hakkblöndunni yfir rjómaostinn í eldfasta mótinu og dreifið osti, vorlauk, ólífum og jalapeno jafnt yfir. Bakið í 15-20 mínútur. Séu tortillakökur notaðar er gott að hita þær aðeins á þurri pönnu og skera þær í þríhyrninga en það má auðvitað nota heilar kökur líka og rúlla þeim upp. Á kökurnar er síðan settur sýrður rjómi, ferskt salat, ofnrétturinn og límónusafi.

Höfundur: Erna Sverrisdóttir