Toblerone tiramisu | gottimatinn.is
- +

Toblerone tiramisu

Innihald:
3 stk. eggjarauður
1 dl sykur
1 stk. vanillustöng
1 dós íslenskur mascarpone ostur (við stofuhita)
2½ dl rjómi
2½ dl sterkt uppáhellt kaffi
2 msk. sykur
2 msk. Amaretto líkjör (eða annar líkjör, t.d. Grand Mariner eða sérrí)
Fingurkökur (Lady fingers)
1 stk. Toblerone súkkulaði, gróft saxað
Hreint kakó

Aðferð:

Skafið fræin innan úr vanillustönginni og setjið í skál.

Bætið eggjarauðunum og sykrinum út í og þeytið þetta vel saman þar til ljóst og létt.

Bætið mascarpone ostinum saman við og hrærið þessu vel saman.

Þeytið rjómann í annarri skál og hrærið honum svo saman við mascarpone blönduna með sleikju.

Setjið kaffið í skál ásamt 2 msk af sykri og líkjör.

Dýfið fingurkökunum í blönduna og leggið í botninn á fati eða glasi.

Dreifið Toblerone yfir og setjið svo ostablönduna þar ofan á.

Gerið tvö svona lög, endið á því að sigta hreinu kakói yfir efsta lagið og skreytið aðeins með Toblerone súkkulaði.

Gott er að láta tiramisu standa í ísskáp í a.m.k 4 klst. áður en það er borið fram.

Auðveldlega hægt að gera daginn áður. 

Höfundur: Helena Gunnarsdóttir