Rjómaostatoppar með hvítu súkkulaði | gottimatinn.is
- +

Rjómaostatoppar með hvítu súkkulaði

Innihald:
230 g smjör
200 g hreinn rjómaostur frá Gott í matinn
225 g sykur
225 g púðursykur
2 stk. egg
4 tsk vanillu extract eða vanillusykur
600 g hveiti
½ tsk salt
1 tsk lyftiduft
3 tsk kanill
4 msk mjólk
100 g hvítt súkkulaði til að dreifa yfir kökurnar

Til að rúlla deiginu í:
100 g sykur
2 tsk kanill

Aðferð:

Hitið ofninn í 180°C (blástur). Hrærið smjöri, rjómaosti og báðum tegundum af sykri saman þar til blandan verður kremkennd. Bætið eggjum út í, einu í einu og hrærið vel á milli. Blandið vanillu, hveiti, lyftidufti, salti og kanil saman við deigið og hrærið vel í. Bætið mjólkinni út í smáum skömmtum. Kælið deigið í ísskáp í 7-10 mínútur. Mótið litlar kúlur með 2 teskeiðum og rúllið upp úr kanilsykrinum. Setjið kökurnar á pappírsklædda ofnplötu og inn í ofn við 180°C í 8-10 mínútur eða þar til þær eru gullinbrúnar. Bræðið hvítt súkkulaði og dreifið yfir kökurnar er þær koma út úr ofninum. 

Höfundur: Eva Laufey Hermannsdóttir