Karamellufylltar smákökur | gottimatinn.is

Karamellufylltar smákökur

Innihald
320 g hveiti
70 g kakó
1 tsk matarsódi
225 g sykur
200 g dökkur púðursykur
225 g smjör við stofuhita
2 stk egg
2 tsk vanilludropar
100 g H-berg hakkaðar heslihnetur
48 stk Rólóbitar
50 g hvítt súkkulaði
smá smjör

Aðferð:

  1. Hitið ofninn í 180 gráður.
  2. Blandið saman hveiti, kakói og matarsóda í skál og setjið til hliðar.
  3. Blandið saman sykri, púðursykri og smjöri og hrærið vel, eða þangað til blandan verður ljós og létt. Bætið eggjum og vanilludropum saman við og hrærið vel saman.
  4. Bætið hveitiblöndunni saman við og  hrærið vel, setjið því  næst 70 g hakkaðar heslihnetur saman við og hrærið þangað til þær hafa blandast vel saman við deigið, restina af heslihnetunum er notað til þess að setja ofan á kökurnar. Setjið deigið í skal með plastfilmu ofan á og kældu í 30 mínútur.
  5. Setjið u.þ.b 1 msk. af deigi utan um 1 stk. rólóbita, mikilvægt er að rólóbitinn sé vel inn í deiginu. Myndið fallega kúlu úr deiginu og þrýstið einni hlið ofan í afgangs heslihneturnar og setjið á ofnplötu með bökunarpappír. Endurtakið þetta þar til deigið hefur klárast og hafið gott bil á milli. Hliðin með hnetunum á að snúa upp.
  6. Bakið kökurnar í u.þ.b. 8 mínútur eða þar til kökurnar hafa sprungið örlítið að ofan. Passa þarf að baka þær ekki of lengi því þá lekur karamellan út úr kökunum og þær verða ljótar. Takið kökurnar út og kælið vel.
  7. Bræðið hvítt súkkulaði með smá smjöri á lágum hita og setjið yfir kökurnar.

Höfundur: Thelma Þorbergsdóttir