- +

Heimagerður ís með lakkrískurli

Ís:
5 stk. egg
5 msk. sykur
5 dl rjómi frá Gott í matinn
400 g Kea vanilluskyr
2 tsk. vanilludropar
100 g dökkt súkkulaði
150 g piparfyllt lakkrískurl með súkkulaðihjúp

Lakkríssósa:
1 poki Bingókúlur
50 g dökkt súkkulaði
1 dl rjómi frá Gott í matinn
2 msk. síróp
½ tsk. sjávarsalt

Aðferð:

Um það bil 2 lítrar

 

Þeytið eggjarauður og sykur saman þar til blandan verður ljós og létt. Þeytið rjóma þar til hann stendur og blandið skyrinu saman við rjómann. Blandið rjómaskyrblöndunni saman við og hrærið varlega með sleif ásamt vanilludropum. Stífþeytið eggjahvíturnar og hrærið saman við. Það er ekki nauðsynlegt að setja eggjahvíturnar saman við ísinn og um að gera að nýta þær í t.d marengstoppa eða annað.

Grófsaxið niður súkkulaði og blandið saman við ásamt piparfyllta lakkrískurlinu. Setjið ísinn í hringlaga smelluform eða það form sem þið viljið nota. Því næst undirbúið þið lakkríssósuna sem fer á ísinn. Setjið allt saman í pott yfir meðalháum hita og hrærið þar til allt hefur náð að bráðna og blandast vel saman. Hellið lakkríssósunni yfir ísinn og blandið henni saman við með því að snúa hníf í hringi í gegnum ísinn þar til sósan hefur náð að blandast saman við. Frystið í að lágmarki 5 klukkustundir.

Höfundur: Thelma Þorbergsdóttir