- +

Heimagerð ísterta með bismark rjómasúkkulaði

Botn:
½ pakki Pólókex
70 g smjör, brætt
3 msk. sykur

Ís:
4 eggjarauður
4 msk. sykur
2 tsk. vanilludropar
4 dl rjómi frá Gott í matinn
1 pakki rjómasúkkulaði bismark - brytjað

Skreyting:
2 stk. marssúkkulaði
100 g rjómasúkkulaði
4 msk. rjómi frá Gott í matinn (4-6 msk.)

Aðferð:

Botn: Kexið er mulið í matvinnsluvél, smjörið brætt og blandað saman við ásamt sykrinum. Blandan er sett í smurt bökunarform. Sett í kæli.

Bismarkís:

Eggjarauður og sykur er þeytt vel saman.  Vanilludropunum blandað saman við.  Rjóminn er þeyttur í annarri skál og síðan settur varlega saman við. Að lokum er súkkulaðið brytjað og blandað saman við.

Ísblöndunni er hellt yfir kexbotninn og síðan fryst.  Gott að taka tertuna út um 30 mínutum  áður en bera á ísinn fram til að leyfa botninum að mýkjast. 

 

Ef þú átt ísgerðarskál þá er hægt að hella blöndunni í skálina og leyfa henni að hrærast í 20 mínútur en þannig verður ísblandan silkimjúk. Ísinn er þá settur yfir kexbotninn nánast tilbúinn og því hægt að bera fram kökuna strax. 

 

Einnig er hægt að borða ísinn einan og sér en hann er einstaklega bragðgóður. 

 

Ístertan er skreytt með karamellusósu sem búin er til úr marssúkkulaði, rjómasúkkulaði og rjóma sem hituð eru saman í potti og síðan hellt yfir. 

Höfundur: Hjördís Dögg Grímarsdóttir