Menu

Jarðarberjabaka

Það er eitthvað svo sumarlegt við jarðarber og hindber! Hér er uppskrift að dásamlega góðu jarðarberjapæi sem auðvitað er einfalt að baka. Það er upplagt að bjóða upp á þeyttum rjóma, vanillusósu eða vanilluís með bökunni.

Innihald

1 skammtar

Bökubotn:

hveiti
sykur
kalt smjör
kalt vatn
lyftiduft

Fylling:

jarðarber
hindber
vanillusykur
sítróna, börkurinn rifinn gróft
sykur
kartöflu- eða maizenamjöl

Til að pensla og skreyta:

eggjarauða
sykur
nokkur jarðarber
flórsykur

Fylling

  • Skerið jarðarberin í bita og setjið þau í skál með hindberjunum.
  • Veltið þeim upp úr sykri, sítrónuberki, kartöflumjöli (eða maizenamjöli) og vanillu.
  • Setjið berin í kæli og látið standa þar á meðan þið búið til bökubotninn.

Botn

  • Skerið smjörið í bita og setjið það ásamt hveiti, lyftidufti og sykri í matvinnsluvél.
  • Notið hnífinn og hrærið í deig.
  • Bætið vatni saman við og blandið áfram þar til kominn er góður deigklumpur.
  • Setjið deigið í kæli og látið hvíla þar í um 20 mínútur.
  • Finnið til bökuform.
  • Notið kökukefli og fletjið út um 3/4 (notum afganginn í skraut) af deiginu frekar þunnt og þekið bökuformi með því. Mér finnst gott að nota bökunarpappír neðst í forminu. Látið deigið ná vel upp á kantana og skerið það snyrtilega í kring.
  • Það þarf að forbaka bökubotninn í rúmlega 10 mínútur og það er gert með því að tylla bökunarpappír í botninn á forminu og svo eru sett t.d. hrísgrjón (ósoðin) eða kjúklingabaunir (ósoðnar) ofan á pappírinn.
  • Bakið botninn þannig í rúmlega 10 mínútur. Þá er pappírinn fjarlægður (ásamt grjónum) og bökubotninn bakaður áfram í um 10 mínútur án grjóna.
  • Takið hann svo úr ofninum.

Samsetning

  • Sækið fyllinguna úr kælinum. Látið renna örlítið af henni. Þegar fyllingin er sett í bökubotninn og bakan bökuð myndast vökvi frá berjunum. Ef bakan fær að standa nokkra klukkutíma mun fyllingin stirðna aðeins. Hellið fyllingunni yfir deigið og dustið yfir með kartöflumjöli.
  • Það sem eftir er af deiginu er ætlað til að skera í lengjur og raða fallega yfir fyllinguna. Hægt er að flétta lengjurnar saman á ýmsan máta. Að lokum er deigið penslað með eggi og sykrinum stráð yfir.
  • Bakið jarðarberjabökuna í um 20 mínutúr eða þar til það hefur fengið á sig fallegan gylltan lit.
  • Látið bökuna kólna áður en hún er borin fram.

Höfundur: Theodóra J. Sigurðardóttir Blöndal