Menu

Ísterta með marengs og heitri hindberjasósu

Tilvalinn á hátíðarborðið í desember. Uppfullur af árstíðarinnar syndum. Með kökunni er borin fram heit og ferska hindberjasósa. Satt best að segja er ístertan á bragðið eins og ein stór Sara. Það hljóta að vera góð meðmæli. Gleðileg jól!

Innihald

12 skammtar

Marengsbotn:

eggjahvítur
sykur
hakkaðar möndlur

Ís:

eggjarauður
púðursykur
Daim kurl eða sama magn af söxuðu Toblerone
volgt kaffi
rjómi frá Gott í matinn

Hindberjasósa:

frosin hindber
vanilludropar
sykur

Marengs

  • Stillið ofninn á 150°.
  • Klæðið með bökunarpappír botn á lausbotna hringlaga 24 cm bökunarformi.
  • Stífþeytið eggjahvíturnar og bætið sykri saman við, smátt og smátt.
  • Bætið möndlum varlega út í með sleif.
  • Setjið marengsinn í formið og bakið í um 50-60 mínútur.
  • Látið svo marengsbotninn kólna.

Ís

  • Þeytið eggjarauður og púðursykur létt og ljóst.
  • Blandið Daim/Toblerone saman við volgt kaffið og leggið til hliðar.
  • Þeytið rjómann og blandið svo eggjahrærunni og súkkulaðikaffinu varlega saman við.
  • Hellið yfir marengsbotninn og sléttið úr.
  • Setjið í frysti í a.m.k. 4 tíma eða eins lengi og vill.

Hindberjasósa

  • Best er að taka ískökuna úr frysti 30 mínútum áður en hún er borin fram. Þá er gott að nota tímann og útbúa hindberjasósuna.
  • Setjið öll hráefnin sem eiga að fara í sósuna í pott.
  • Látið suðuna koma upp.
  • Hrærið og látið malla í um 4 mínútur.
  • Látið ístertuna á disk og berið fram með hindberjasósunni.

Höfundur: Erna Sverrisdóttir