- +

Kjúklingur með rósmarín, eplum og karrísósu

Innihald
3 stk kjúklingabringur, skornar í bita (3-4 stk)
1 msk repjuolía
1 tsk sjávarsalt
svartur pipar á hnífsoddi
2 greinar ferskt rósmarín, greinar teknar af og fínsaxaðar eða 1 tsk þurrkað rósmarín
1½ dl hreinn eplasafi
½ stk kjúklingakraftsteningur
örlítið smjör
3 stk litlir laukar eða rauðlaukar, skornir í báta
2 stk epli, skorin í báta

Karrýsósa
4 dl sýrður rjómi 10% frá Gott í matinn
2 stk hvítlauksrif
2 tsk karrí
2 msk sæt chilísósa eða lífræn tómatsósa
1 tsk túrmerik
1 tsk rifið engifer
sjávarsalt

Aðferð:

Kjúklingur aðferð:

1. Steikið kjúklingabitana við meðalhita í u.þ.b. 12 mínútur.

2. Kryddið með salti, pipar og rósmarín. Hellið síðan eplasafanum út á og myljið kjúklingateninginn yfir. Látið malla undir loki í tíu mínútur.

3. Steikið laukinn og eplabitana upp úr smjöri á annarri pönnu í stutta stund. Blandið því síðan saman við kjúklinginn og látið malla í tvær mínútur.

4. Berið fram með fersku salati, hýðishrísgrjónum ef vill og karrýsósu.
 

Karrýsósa aðferð:

1. Blandið öllum hráefnunum saman. Smakkið til með salti og ef til vill meiri chilísósu/tómatsósu.

Höfundur: Erna Sverrisdóttir