- +

Rjúpusúpa

Innihald
2 stk rjúpur (hamflettar)
1 stk lítill laukur
1 stk lítil gulrót
1 stk sellerístilkur
4 stk piparkorn
2 stk lárviðarlauf
4 stk einiber
½ tsk timjan
1 msk sherríedik eða rauðvínsedik
1 stk grænmetisteningur
3 stk úputeningar
2 msk rifsberjahlaup
2½ dl rjómi
100 g gráðaostur
60 g smjör
60 g hveiti

Aðferð:

Skerið bringurnar frá og geymið.  Höggvið í smátt, bein, háls og læri og brúnið í smá olíu við snarpan hita á pönnu, kryddið með salti og pipar.  Setjið yfir til suðu í 2,5 l af vatni.  Saxið grænmetið smátt og brúnið á sömu pönnu, setjið í pottinn ásamt piparkornum, lárviðarlaufi, einiberjum, timjan, ediki, grænmetiskrafti, kjötkrafti og rifsberjahlaupi.  Látið sjóða og fleytið af froðu, lækkið hitann og látið sjóða við vægan hita í 4-5 tíma.  Sigtið soðið og mælið upp 1,3 l og setjið í annan pott.  Bræðið smjörið og lagið smjörbollu með því að bæta hveitinu við.  Vinnið smjörbolluna saman við og látið sjóða.  Bætið í rjómanum og gráðaostinum, látið sjóða við vægan hita í smá stund eða þar til osturinn er uppleystur.  Bragðbætið með salti, pipar, kjötkrafti og smá skvettu af púrtvíni.  Skerið bringurnar í strimla og bætið í sjóðandi súpuna rétt áður en hún er borin fram.

Höfundur: Klúbbur matreiðslumeistara