- +

Ljúffeng mexíkósk kjúklingasúpa

Innihald
4 stk rauðlaukur
3 stk hvítlauksrif, rifin niður
1 stk rauður ferskur chilli
10 dl vatn
2 stk kjúklingakrafts teningar
2 stk kjötkrafts teningar
1 stk cavenne pipar, setja 1/2 fyrst og smakka svo
4 dósir niðursoðnir tómatar skornir smátt
6 stk ferskir tómatar skornir í grófa bita
½ l matreiðslurjómi (meira fyrir sælkera)
5 stk kjúklingabringur
salt og pipar

Meðlæti
sýrður rjómi
rifinn ostur
nachos ostaflögur

Aðferð:

Setjið eina msk. af ólífuolíu í stóran pott, skerið rauðlaukinn gróflega niður og steikið hann í pottinum. Bætið hvítlauknum saman við og hrærið, passið að hvítlaukurinn brenni ekki. Þegar rauðlaukurinn er aðeins farinn að brúnast bæti þið restinni saman við. Byrjið á því að setja niðursoðnu tómatana saman við ásamt vatninu og kjúklinga- og kjötkraftinum. Bætið svo saman við Cayenne piparnum, chilipiparnum og fersku tómötunum. Steikið kjúklinginn á sér pönnu með smá salti og pipar, best er að setja kjúklinginn saman við þegar súpan er alveg að verða tilbúin. Smakkið súpuna og bætið við pipar, salti eða Cayenne pipar eftir smekk. Ef ykkur finnst súpan of bragðlítil geti þið bætt við kryddum t.d. Cayenne pipar hann gerir súpuna sterkari, ef ykkur finnst hún vera orðin of sterk þá bætið þið bara aðeins meira af rjóma saman við.

Höfundur: Thelma Þorbergsdóttir