- +

Þorskur í paprikusósu

Innihald:
900 g þorskflök
1 pk Smurostur með papriku
½ l Matreiðslurjómi frá Gott í matinn
1 stk. laukur smátt saxaður
2 stk. rauðar paprikur skornar í strimla
Gratínostur frá Gott í matinn
1 stk. Mexíkóostur
Salt, pipar og hvítlaukskrydd
Smjör til steikingar

Aðferð:

Fyrir 4-6

Skerið þorskinn í bita og raðið í botninn á smurðu eldföstu formi, kryddið með salti, pipar og hvítlaukskryddi eftir smekk.

Steikið lauk og papriku á pönnu þar til mýkist, kryddið til  með salti, pipar og hvítlauksdufti.

Bætið þá smurosti, ½ rifnum mexíkóosti, ½ poka af gratínosti og rjóma á pönnuna og hrærið þar til sósa hefur myndast.

Hellið þá sósunni með grænmetinu yfir fiskinn í eldfasta fatinu, stráið gratínosti og því næst Mexíkóosti yfir og bakið við 185°C í um 30 mínútur eða þar til osturinn fer að gyllast.

Berið fram með soðnum hrísgrjónum ásamt góðu brauði eða salati. 

Höfundur: Berglind Hreiðarsdóttir