Ofnbakaður fiskur með rjómaosti og eplum | gottimatinn.is
- +

Ofnbakaður fiskur með rjómaosti og eplum

Innihald:
smjör til steikingar
800 g fiskur, t.d. ýsa eða þorskur
1 stk grænt epli
1 stk rauðlaukur
1 stk rauð paprika
1 stk græn paprika
4 stk gulrætur
150 g rjómaostur frá Gott í matinn
1 msk karríduft (1-2 msk)
salt og pipar
100 g rifinn ostur, t.d. Gratín ostur

Aðferð:

Hitið smjör á pönnu við vægan hita, skerið grænmetið smátt og steikið í 2-3 mínútur. Bætið rjómaostinum við og kryddið með karríi, salti og pipar. Blandið öllu vel saman og leyfið þessu að malla við vægan hita í fimm mínútur. Skolið fiskinn vel og raðið honum í eldfast mót. Hellið grænmetisblöndunni yfir og sáldrið að endingu rifnum osti út á réttinn. Bakið við 190°C í um 25-30 mínútur.

Berið fiskréttinn fram með hrísgrjónum og fersku salati. 

Höfundur: Eva Laufey Hermannsdóttir