- +

Ljúffengur fiskréttur með rjómaosti og grænmeti

Innihald:
2 stk. ýsuflök
1 pakki sveppir
1 stk. laukur
½ stk. blaðlaukur
1 stk. rauð paprika
3 stk. gulrætur
½ dós ananaskurl og allur safinn úr dósinni
200 g rjómaostur frá Gott í matinn
400 ml rjómi
3 tsk. karrý
2 tsk. fiskikrydd
1 msk. grænmetiskraftur
íslenskt smjör til steikingar
salt og pipar eftir smekk

Aðferð:

1. Byrjið á því að steikja laukinn og blaðlaukinn upp úr íslensku smjöri.

2. Bætið sveppum, papriku og gulrótum saman við og steikið áfram í stutta stund.

3. Þá er komið að því að hella hálfri dós af ananaskurli út á grænmetið, ásamt öllum safanum úr dósinni. 

4. Látið þetta malla í 2-3 mínútur og hellið þá rjómanum yfir, ásamt rjómaostinum.

5. Þegar rjómaosturinn hefur bráðnað og sósan orðin töluvert þykkari þá er grænmetiskrafturinn settur út í sósuna, fisknum raðað ofan á og hann kryddaður vel með salti, pipar, karrý og fiskikryddi.

6. Ýtið fiskinum aðeins ofan í sósuna og látið malla í 10 mínútur áður en rétturinn er borinn fram.

Gott að bera fram með hrísgrjónum og ristuðu brauði.

Höfundur: Tinna Alavis