Ljúffengur fiskréttur með rjómaosti og grænmeti

Skref1

• Byrjið á því að steikja laukinn og blaðlaukinn upp úr íslensku smjöri.
• Bætið sveppum, papriku og gulrótum saman við og steikið áfram í stutta stund.
• Hellið hálfri dós af ananaskurli út á grænmetið, ásamt öllum safanum úr dósinni.

Skref2

• Látið malla í 2-3 mínútur og hellið þá rjómanum yfir, ásamt rjómaostinum.
• Þegar rjómaosturinn hefur bráðnað og sósan orðin töluvert þykkari þá er grænmetiskrafturinn settur út í sósuna, fisknum raðað ofan á og hann kryddaður vel með salti, pipar, karrý og fiskikryddi.

Skref3

• Ýtið fiskinum aðeins ofan í sósuna og látið malla í 10 mínútur áður en rétturinn er borinn fram.
• Gott að bera fram með hrísgrjónum og ristuðu brauði.

Höfundur: Tinna Alavis