Lax með sítrónusósu | gottimatinn.is
- +

Lax með sítrónusósu

Lax:
800 g laxaflök
Salt og pipar
Ólífuolía
Fersk steinselja

Sítrónusósa
½ stk. laukur, mjög fínt saxaður
Safi úr einni sítrónu
60 ml hvítvín
125 ml rjómi frá Gott í matinn
110 g smjör (við stofuhita)
Salt eftir smekk

Annað meðlæti:
Bakaðar kartöflur með smjöri og salti
Ferskt salat að eigin vali. Til dæmis: klettasalat, mangó, avókadó, kasjúhnetur og Dala Feta)
Ferskar sítrónusneiðar

Aðferð:

Lax:

Skerið laxinn í hæfilega stóra bita og raðið í eldfast mót.

Penslið með olíu og kryddið með salti og pipar.

Bakið við um 215°C í 10-15 mínútur (fer eftir þykkt flakanna).

Stráið ferskri steinselju yfir laxinn þegar hann kemur úr ofninum.  

 

Sítrónusósa:

Setjið lauk, sítrónusafa og hvítvín saman í pott og sjóðið niður í 8-12 mínútur eða þar til sósan fer að þykkna.

Hrærið rjómanum saman við og náið upp suðu að nýju. Takið pottinn þá af hellunni og hrærið smjörinu varlega saman við þar til það hefur bráðnað (lítinn hluta í einu).

Kryddið til með salti eftir smekk og haldið heitu á lágum hita þar til bera á fram.

 

 

Höfundur: Berglind Hreiðarsdóttir