- +

Fiskibaka

Fiskibaka:
Kartöflumús eða stappaðar kartöflur með smjöri og smá mjólk
4 harðsoðin egg. Skurnin tekin af og þau skorin í minni bita
700 g fiskur að eigin vali eða sjávarfang: hvítur fiskur, reykt ýsa, lax, rækjur
Rifinn gratínostur

Hvít sósa I:
50 g smjör
50 g hveiti
6 dl mjólk
2 tsk. dijon sinnep
Safi úr hálfri sítrónu
50 g rifinn gratínostur
Salt og pipar
Saxað spínat. Má mýkja það á pönnu í smá smjöri eða olíu og vökvinn tekinn frá

Hvít sósa II:
500 ml sýrður rjómi
2 tsk. dijon
Safi úr hálfri sítrónu
50 g rifinn gratínostur
Salt og pipar
Ferskt spínat

Aðferð:

Hugmyndir að tveimur hvítum sósum sem má nota í réttinn. Allt eftir því hvað þið kjósið:

 

Hvít sósa I:

Bræðið smjör í potti á miðlungshita. Hrærið hveiti saman við, látið malla í nokkrar mínútur og hrærið í á meðan eða þar til smjörbollan fer að fá á sig pínu gullinn blæ. Hellið mjólk saman við í smá skömmtum og hrærið sósuna til þar til úr verður kekkjalaus jafningur. Látið hana malla í nokkrar mínútur á vægum hita. Hrærið ost saman við sósuna, látið hann bráðna saman við. Smakkið til með salti og pipar. Hrærið spínat saman við og blandið vel. Spínatið má fara ferskt og saxað út í sósuna. Athugið að í sósuna má fara ýmislegt annað grænmeti, eins og t.d. frosnar grænar baunir.

 

Hvít sósa II:

Allt hráefnið hrært saman. Ferskt spínatið er hrært saman við sósuna.

 

Fiskibaka:

Hitið ofn í 200 gráður. Skerið fiskinn í litla bita og dreifið úr honum í mót sem má fara inn í ofn. Dreifið úr eggjunum yfir fiskinn. Hellið sósunni yfir fiskinn og dreifið vel úr henni, hvort sem þið notið þá heitu eða köldu. Kartöflustappan eða stöppuðu kartöflurnar fara yfir allt saman og loks rifinn ostur. Hitað í ofni í 40-45 mínútur og borið fram með salati, brauði, bökuðum baunum eða hverju sem þið viljið.

Höfundur: Halla Bára Gestsdóttir