Vanilluskyrkaka með bláberjasultu

Innihald
10 stk LU kanilkex
10 stk hafrakex
150 g smjör
¼ lítri rjómi
500 g vanilluskyr
lítil krukka bláberjasulta
100 g bláber


Aðferð:

Setjið kanilkex og hafrakex í matvinnsluvél og hakkið þar til kexið er orðið fínmalað. Bræðið smjör á pönnu yfir meðalháum hita ásamt kexinu, hrærið stanslaust þar til smjörið hefur náð að bráðna alveg. Steikið kexið örlítið lengur á pönnunni en passið að það brenni ekki. Hellið kexblöndunni í hringlaga form ca. 24 cm stórt og þrýstið því vel niður í botninn og upp á hliðar formsins. Gott er að nota botninn á glasi til þess að þrýsta kexinu vel niður. Þeytið rjómann og hrærið saman við skyrið þar til allt hefur blandast vel saman. Hellið skyrblöndunni yfir kexbotninn og sléttið út með sleif. Þekið kökuna með bláberjasultu og bláberjum. Þeir sem vilja skreyta hana örlítið meira þá er fallegt að sigta flórsykur yfir kökuna áður en hún er borin fram. Geymið í kæli þar til kakan er borin fram. 

Höfundur: Thelma Þorbergsdóttir