- +

Frönsk súkkulaðimús

Innihald:
240 g dökkt súkkulaði (t.d. 56%)
60 g ósaltað smjör
¼ tsk. gott sjávarsalt
4 stk. eggjarauður
6 stk. eggjahvítur
3 msk. sykur

Meðlæti
Þeyttur rjómi og súkkulaðiegg

Aðferð:

Bræðið súkkulaðið, smjörið og saltið saman við vægan hita. Kælið aðeins og hrærið eggjarauðunum svo saman við. Þeytið eggjahvíturnar ásamt sykrinum þar til stífþeytt. Bætið ¼ af þeyttu eggjahvítunum saman við súkkulaðiðblönduna og pískið vel saman við. Bætið svo restinni af eggjahvítunum út í og hrærið varlega saman við súkkulaðið með sleikju. Setjið í lítil glös eða eina stóra skál og kælið í a.m.k. 2 klst. Best er að gera músina um morgun ef það á að bera hana fram að kvöldi, enn betra að gera hana daginn áður. Berið músina fram með þeyttum rjóma og skreytið t.d. með litlum súkkulaðieggjum eða berjum og rifnu súkkulaði. Njótið!

Höfundur: Helena Gunnarsdóttir