- +

Biscotti með dökku súkkulaði og möndlum

Innihald:
130 g smjör við stofuhita
120 g sykur
100 g púðursykur
1 msk. skyndikaffiduft
2 stk. egg
300 g hveiti
1½ tsk. lyftiduft
½ tsk. sjávarsalt
2 tsk. kanill
100 g möndlur
200 g dökkt súkkulaði

Aðferð:

Þessar eru unaðslegar með heitu kakói eða kaffi. Gott er að dýfa þeim ofan í til að mýkja þær aðeins upp. 
Um 25 stk.

 

Hitið ofninn í 170 gráður og setjið bökunarpappír á bökunarplötu. Hrærið smjör, sykur, púðursykur og kaffi saman þar til blandan verður ljós og létt. Bætið eggjum saman við, einu í senn og hrærið vel. Blandið hveiti, lyftidufti, salti og kanil saman í skál og blandið saman við deigið og hrærið varlega. Grófsaxið möndlur og súkkulaði og setjið saman við deigið og hrærið varlega þar til allt hefur náð að blandast vel saman. Setjið hveiti á eldhúsbekkinn eða bretti og hnotið deigið léttilega svo það festist saman. Skiptið deiginu í 3 bita og formið sívala hleifa úr því um 10 cm á breidd og setjið á bökunarplötuna. Bakið í 25 mínútur. Takið hleifana út úr ofninum og látið þá standa í 10 mínútur. Skerið hleifana í um 2 cm þykkar sneiðar og leggið á plötuna með sárið upp. Bakið í 10 mínútur. Snúið  kökunum við á hina hliðina og bakið í aðrar 10 mínútur. Kælið kökurnar. Kökurnar eiga að vera stökkar og góðar.

Höfundur: Thelma Þorbergsdóttir