Djöflaegg með beikoni og sýrðum rjóma
Djöflaegg eru að mínu mati stórlega vanmetinn partýmatur og þyrftu að vera mikið oftar á borðum. Þau eru frábær með köldum drykk og þar að auku hollt og gott snarl, sem hentar til dæmis afar vel á lágkolvetna eða ketó mataræði. Mér þykir einnig ákaflega lekkert að bera svona egg fram á bröns hlaðborðinu.
Innihald
6 skammtar
stór egg
vænar sneiðar beikon
litlir vorlaukar, smátt saxaðir
dijon sinnep
Nokkrir dropar Tabasco sósa
sýrður rjómi frá Gott í matinn 18%
salt og pipar
Paprikuduft og fersk steinselja eftir smekk
| stór egg | |
| vænar sneiðar beikon | |
| litlir vorlaukar, smátt saxaðir | |
| dijon sinnep | |
| Nokkrir dropar Tabasco sósa | |
| sýrður rjómi frá Gott í matinn 18% | |
| salt og pipar | |
| Paprikuduft og fersk steinselja eftir smekk |
Skref1
- Sjóðið eggin í 10 mínútur eða þar til harðsoðin.
- Steikið beikonið á meðan þar til stökkt, setjið á bréf og látið kólna.
Skref2
- Kælið eggin undir rennandi vatni, takið skurnina af og skerið eggin í tvennt.
- Skafið eggjarauðuna innan úr og setjið í skál eða matvinnsluvél.
Skref3
- Blandið ¾ af vorlauknum saman við eggjarauðurnar ásamt, sinnepi, tabasco, sýrðum rjóma, salti og pipar.
- Blandið vel saman þar til blandan er silkimjúk.
- Smakkið ykkur áfram með salti og pipar og e.t.v. tabasco sósu.
Skref4
- Setjið eggjablönduna í sprautupoka og sprautið í eggjahelmingana.
- Þetta má líka gera með skeið og sleppa sprautupokanum.
Skref5
- Skreytið eggin með dáliltu paprikudufti, smátt söxuðu beikoni, vorlauk og steinselju.
- Berið fram strax eða geymið í kæli.
Höfundur: Helena Gunnarsdóttir