Tortillakaka með grænmeti og kjúklingi | gottimatinn.is
Hjördís Dögg Grímarsdóttir
Tortillakaka með grænmeti og kjúklingi
15. maí 2018

Tortillakaka með grænmeti og kjúklingi

Ég er alltaf svo hrifin af ferskum, einföldum en jafnframt gómsætum uppskriftum. Þessi Tortillakaka er ein af þeim. Hún hentar vel allan ársins hring við hvaða tilefni sem er en sérlega smart að bera fram á sumrin. Tortillakökuna er gott að gera rétt fyrir tilefnið þar sem best er að bera hana fram sem ferskasta.

Uppskrift:

7-8 stk. tortillakökur (litlar)

1 dós sýrður rjómi með graslauk og lauk frá Gott í matinn

1 dós sýrður rjómi (18%) frá Gott í matinn

2 msk. ídýfa (eftir smekk)

Salsasósa

Rifinn Mozzarella eða Pizzaaostur frá Gott í matinn

Fylling:

1 stk. rauð paprika

1 stk. appelsínugul paprika

1 stk. gul paprika

1 stk. rauðlaukur

½ stk. gúrka

2-3 stk. tómatar (kjarninn tekinn úr) 

10 cm púrrulaukur

Kál

Tilbúnir kjúklingabitar með persneskubragði

Doritos til að setja ofan á

 

Aðferð:

Það eru ótal möguleikar við að setja kökuna saman. Hver og einn finnur sína leið en hér er tillaga sem kemur vel út. 

 

Sýrði rjóminn er settur í skál ásamt ídýfunni. Þessu er hrært vel saman. 

Hver tortillakaka er smurð með sýrða rjómanum.

Salsasósan er þá sett yfir.

Kálblöðum raðað ofan á salsasósuna.

Grænmetið er skorið í litla bita og sett saman í skál. Þá er grænmetisblöndunni sáldrað yfir hverja köku eða kjúklingur og grænmeti til skiptis. 

Rifnum osti er sáldrað yfir hverja köku. 

Efsta kakan er smurð með sýrða rjómanum, salsasósunni og örlitlu grænmeti. Þá er Doritos sett ofan á til skrauts í lokinn. 

Tortillalkakan er borin fram strax eða geymd í kæli í smá stund. 

 

Njótið!

 

Viltu fylgjast með þessum bloggara?

Skráðu þig til að fá nýjustu færslurnar sendar!