Gígja S. Guðjóns
Salsa kjúklingur
04. júní 2018

Salsa kjúklingur

Sólin lét loksins sjá sig í dag eftir nánast heilan mánuð af rigningu og því var fagnað með sumarlegum salsa kjúklingi. Það er alltaf mikil gleði hjá mér þegar ég finn fljótlega rétti sem eru líka æðislega góðir og þessi réttur fer í þann dálk.

Salsað sem fer á kjúklinginn er líka æðislega gott eitt og sér, svo ég mæli með að gera gott magn af því til að eiga með snakki seinna um kvöldið.

Undirbúningur 10 mínútur

Eldunartími 35-40 mínútur

 

Uppskrift fyrir 4:

(Ég var með 3 bringur en salsa uppskriftin dugir fyrir 4)

 

4 kjúklingabringur

Salt og pipar

Pizzaostur frá Gott í matinn

4-5 tómatar

Hálfur rauðlaukur

2 græn chilli

Lime

Kóríander eftir smekk

 

Aðferð:

Hitið ofninn í 180 gráður

Bringurnar eru settar í form og kryddaðar.

Grænmetið skorið í teninga, og sett í skál ásamt kóríander og lime safa.

Salsað er síðan sett yfir kjúlinginn og ostinum stráð yfir.

Rétturinn fer inn í ofn í 35-40 mínútur.

Gott er að setja ferskan kóríander yfir réttinn þegar hann er tilbúinn

Þið getið síðan bætt í salsauppskriftina ef þið viljið eiga auka

Með kjúklingnum var ég með grjón, nachos og sýrðan rjóma. Auðvitað er hægt að hafa það sem ykkur finnst gott en ég ætla að prófa næst að hafa guacamole líka.

Njótið vel :)

Fleiri uppskriftir frá mér er hægt að nálgast inn á www.gigjas.com og facebook.com/gigjas

 

 

 

Viltu fylgjast með þessum bloggara?

Skráðu þig til að fá nýjustu færslurnar sendar!