Berglind Hreiðarsdóttir
Nautapottréttur
05. mars 2019

Nautapottréttur

Þennan pottrétt hefur mamma mín búið til um árabil og ég man ég hreinlega elskaði þegar hann var í matinn. Ég hef oft útbúið þennan rétt fyrir mína fjölskyldu og loksins kom ég honum niður á blað til að fleiri geti notið hans.

600 g nautagúllas

200 g tómatpúrra

1 stk. laukur

1 stk. rauð paprika

5 gulrætur

200 g rjómaostur frá Gott í matinn

200 g matreiðslurjómi frá Gott í matinn

Salt, pipar, karrý, paprikukrydd, kraftur

 

Saxið niður lauk, skerið gulrætur í sneiðar og papriku í strimla.

Steikið laukinn á meðalhita upp úr olíu og karrý þar til hann mýkist. Bætið gulrótum og papriku saman við, ögn meiri olíu og salti og pipar og færið yfir á disk.

Léttsteikið þá gúllasið í olíu á sömu pönnu, nóg er að rétt brúna það á hliðunum því það mun fulleldast þegar pottrétturinn mallar.

Bætið tómatpúrru á kjötið á pönnunni, rjómaosti og matreiðslurjóma og hrærið vel.

Hellið þá grænmetinu saman við og kryddið réttinn til með salti, pipar, paprikudufti og krafti.

Gott er að leyfa réttinum að malla í 30-60 mínútur og bera fram með hrísgrjónum.

Viltu fylgjast með þessum bloggara?

Skráðu þig til að fá nýjustu færslurnar sendar!