Menu
Ostóber ostabakki með bökuðum Dalaostum

Ostóber ostabakki með bökuðum Dalaostum

Ostabakki er æðisleg hugmynd við hvaða tækifæri sem er. Ég hef gert nokkrum sinnum ostabakka fyrir tilefni hér heima og það slær alltaf í gegn þannig ég ákvað að deila með ykkur hinum fullkomna ostabakka að mínu mati, og segja ykkur skref fyrir skref hvernig það er best að útbúa bakkann.

Klassískt innihald í ostabakka er: Ostar, sulta, kex, kjötmeti, ávextir og ber, hnetur, súkkulaði. Ostarnir sem ég valdi á minn Ostóber bakka eru mínir eftirlætis ostar.

Innihald

6 skammtar
Dala Auður
Dala Brie
Dala höfðingi
Gráðaostur
Dala hringur
Óðals sterkur Gouda
Mexíkóostur
Bláberjasulta
Sýróp
Pekanhnetur
Meðlæti að eigin vali

Ostabakki

  • Leggja ostana á bakkann ásamt þeim formum/sultum sem þú ætlar að hafa á bakkanum.
  • Næst raðaru kexinu og skinkunni.
  • Í lokinn er fyllt upp í öll göt með berjum, ávöxtum, hnetum og súkkulaði.
  • Það kemst kannski ekki allt kex og allar þær sultur sem þið viljið hafa með á bakkann nema hann sé mjög stór því er fallegt að hafa það á öðrum bakka við hliðina á líka.
Ostabakki

Bakaður Dala Brie með bláberjasultu

  • Toppurinn er skorinn af ostinum og nokkur göt gerð með gaffli.
  • Síðan fer bláberjasulta á toppinn og inn í ofn í 15 mínútur á 180 gráðum með blæstri.
  • Best að nota grófa bláberjasultu með heilum berjum.Treystið mér þessi er svakalega góður.
Bakaður Dala Brie með bláberjasultu

Dala Auður með pekanhnetum og sýrópi

  • Það er sama aðferð og með Brie ostinn. Toppurinn skorin af og sýrópi og pekanhnetum stráð yfir. Þessi ostur er bæði góður kaldur og hægt að hita hann í ofni í 15 mínútur við 180 gráður.
Dala Auður með pekanhnetum og sýrópi

Höfundur: Gígja S. Guðjónsdóttir