- +

Tortillakaka með grænmeti og kjúklingi

Innihald:
7 stk. tortillakökur (litlar)
1 dós Sýrður rjómi með graslauk og lauk frá Gott í matinn
1 dós Sýrður rjómi (18%) frá Gott í matinn
2 msk. ídýfa (eftir smekk)
Salsasósa
Rifinn Mozzarella eða Pizzaostur frá Gott í matinn

Fylling:
1 stk. rauð paprika
1 stk. appelsínugul paprika
1 stk. gul paprika
1 stk. rauðlaukur
½ stk. gúrka
2 stk. tómatar (2-3 stk. og kjarninn tekinn úr)
10 cm púrrulaukur
Kál
Tilbúnir kjúklingabitar með persnesku bragði
Doritos til að setja ofan á

Aðferð:

Það eru ótal möguleikar við að setja kökuna saman. Hver og einn finnur sína leið en hér er tillaga sem kemur vel út. 

 

Sýrði rjóminn er settur í skál ásamt ídýfunni. Þessu er hrært vel saman. 

Hver tortillakaka er smurð með sýrða rjómanum.

Salsasósan er þá sett yfir.

Kálblöðum raðað ofan á salsasósuna.

Grænmetið er skorið í litla bita og sett saman í skál. Þá er grænmetisblöndunni sáldrað yfir hverja köku eða kjúklingur og grænmeti til skiptis. 

Rifnum osti er sáldrað yfir hverja köku. 

Efsta kakan er smurð með sýrða rjómanum, salsasósunni og örlitlu grænmeti. Þá er Doritos sett ofan á til skrauts í lokinn. 

 

Tortillalkakan er borin fram strax eða geymd í kæli í smá stund. 

Höfundur: Hjördís Dögg Grímarsdóttir