- +

Snittur með camembert og sætri peru

Innihald:
1 stk. baguette brauð
1½ stk. Camembert ostur
1½ stk. pera
Klettasalat (um ½ poki)
Ristaðar furuhnetur (um ½ poki)
Ólífuolía
Hvítlauksduft
Gróft salt
Sykur og smjör til að brúna perusneiðarnar

Aðferð:

Skerið brauðið á ská í sneiðar, penslið með ólífuolíu, stráið hvítlauksdufti og grófu salti yfir. Ristið í um 3 mínútur í ofni við 200°C.

Kælið brauðið aðeins og setjið klettasalat yfir hverja sneið.

Skerið peruna í sneiðar sem passa brauðstærðinni ykkar (ekki of þykkar).

Stráið sykri á pönnu, hitið þar til hann bráðnar og bætið þá smjörklípu saman við og lækkið hitann.

Brúnið perusneiðarnar á báðum hliðum, þegar þið snúið er Camenbert sneið lögð á hverja perusneið þar til osturinn fer aðeins að bráðna.

Þá er peru/Camenbertsneiðin færð yfir á snittuna, ofan á klettasalatið.

Ristuðum furuhnetum er að lokum stráði yfir

Höfundur: Berglind Hreiðarsdóttir