- +

Skinkuhorn

Skinkuhorn:
250 ml mjólk
300 ml vatn
130 g smjör
35 g pressuger (má einnig nota þurrger, um 15 g)
3 tsk. salt
1 msk, sykur
1 kg hveiti

Fylling:
Smurostur með beikoni
Smurostur skinkumyrja
Mozzarella rifinn ostur frá Gott í matinn
Skinka, skorin smátt

Aðferð:

Um 30 stór skinkuhorn

 

Mjólk, vatn og smjör er hitað í potti. Blöndunni er leyft að kólna örlítið þar til hún er ylvolg.

Sykur, salt og pressuger blandað saman við og blöndunni leyft að standa í um 5 mínútur eða þar til hún er aðeins farin að freyða eða þykkjast.

Hveitið er að lokum blandað saman við. Deigið hnoðað vel og síðan leyft að lyfta sér á heitum stað í um 1 klst. 

Deigið er skipt í tvennt, flatt út og skorið í tígla. 

Í hvern tígul er sett beikonsmurostur, skinkumyrja, rifinn ostur og skinka. 

Tíglunum er rúllað upp í horn, penslaðir með eggi og mjólkurblöndu (hrært saman áður en penslað er). 

Rifnum Mozzarellaosti er sáldrað yfir hvert horn.

Hornin eru bökuð við 180°C hita (blástur) í um 15 mínútur eða þar til þau eru bökuð í gegn. 

Höfundur: Hjördís Dögg Grímarsdóttir