- +

Pönnukökukaka

Innihald:
2 bollar hveiti eða 250 grömm
3 msk. sykur
1½ tsk. lyftiduft
1½ tsk. natron
1¼ tsk. salt
2 stór egg
2½ bolli súrmjólk eða 6 1/2 dl
3 msk. brætt smjör
Grænmetisolía eða kókosolía á pönnuna til steikingar
Fylling að eigin vali. Hugmyndir hér að neðan.

Aðferð:

Hrærið þurrefnin saman. Hrærið egg, súrmjólk og brætt smjör saman. Hellið vökvanum saman við þurrefnin og hrærið þar til úr verður kekkjalaus blanda.

Bakið pönnukökur á pönnu að eigin vali. Athugið að pannan þarf algjörlega að miðast að því hvernig pönnukökurnar eiga að vera, litlar eða stórar. Notið örlitla olíu á pönnuna. Við gerum stórar til að setja þær upp í köku. Bakið stórar pönnukökurnar á hvorri hlið þar til gullnar. Fylgist vel með bakstrinum því pönnukökur eru fljótar að brenna. Látið pönnukökurnar kólna áður en þeim er raðað í köku.

 

Fylling:

Að sjálfsögðu er hægt að setja allt milli himins og jarðar á pönnukökuköku. Það má nota hvers konar salat í stað hangikjötssalats, allskonar osta og rjómaosta. Allt verður gott.

Það er hvers og eins að ákveða hversu margar hæðir kakan skal vera og í hvaða röð allt saman fer. Það er þó gott að salatið fari á tvær hæðir því það kemur inn með meiri mýkt og fyllingu. Huggulegt er að smyrja toppinn og skreyta hann, nota ber og kryddjurtir.

 

Hugmyndir að fyllingum:

Gamaldags hangikjötssalat

Rjómaostur frá Gott í matinn og agúrka yfir

Soðin egg á rjómaosti frá Gott í matinn

Dala Brie ostur

Brauðostur, sbr. Óðals Gouda sterkur

 

Laxasalat

Rjómaostur með kryddblöndu og agúrka

Rjómaostur og tómatsneiðar

Óðals Ísbúi eða Óðals Tindur og soðin egg, smurt með rjómaosti eða Smjörva

Dala Auður eða Dala Kastali

 

Skinkusalat

Rjómaostur með svörtum pipar og tómatar

Óðals Havarti eða Óðals Búri og agúrka, smurt með rjómaosti eða Smjörva

Dala Camembert eða Dala Höfðingi

Höfundur: Halla Bára og Gunnar