- +

Pizzavasar með spínati og osti

Innihald:
400 g pizzadeig
2 msk. ólífuolía
2 rif af hvítlauk
½ laukur
80 g furuhnetur
200 g spínat, ferskt
Salt og pipar
100 g Dala fetaostur í kryddolíu
100 g rifinn mozzarellaostur frá Gott í matinn
1 eggjarauða

Aðferð:
  1. Setjið smjörpappír á bökunarplötu og stillið ofninn í 180 gráður.
  2. Fletjið út pizzadeigið og skerið í jafnstóra ferninga.
  3. Setjið ólífuolíu á pönnu ásamt hvítlauk, lauk, furuhnetum og spínati. Steikið við meðalháann hita og hrærið þar til spínatið er orðið vel steikt. Setjið örlítið salt og pipar.
  4. Blandið mozzarellaosti og fetaosti saman í skál.
  5. Setjið spínatblönduna á hvern pizzaferning fyrir sig ásamt osti. Lokið hverjum ferningi fyrir sig þannig að það myndist þríhyrningur. Pressið endana saman með gaffli. Mikilvægt er að loka hverjum þríhyrningi vel svo að osturninn leki ekki út inni í ofninum.
  6. Hrærið eggjarauðu í skál og penslið hvern þríhyrning fyrir sig, stráið örlitlu saltin ofan á.
  7. Bakið í 10-15 mínútur eða þar til þríhyrningarnir eru orðnir gullbrúnir að lit.

Höfundur: Thelma Þorbergsdóttir