Pizzasnúðar með sterku pepperóní og Mexíkóosti | gottimatinn.is
- +

Pizzasnúðar með sterku pepperóní og Mexíkóosti

Deig:
600 ml volgt vatn
20 g þurrger
3 tsk. sykur
3 msk. olía
1 egg
2 tsk. salt
1 kg hveiti og meira til að hnoða með

Fylling:
Sterkt pepperóní
Skinka
Mexíkóostur
Rifinn Pizzaostur frá Gott í matinn
Pizzasósa
Óreganó krydd

Aðferð:

Gerið er sett í volgt vatnið og látið bíða í nokkrar mínútur.

Þá er sykri, olíu, eggi og salti blandað saman við og hrært og í lokinn hveitið og hnoðað með höndunum.

Deigið er síðan látið lyfta sér í um hálftíma.

Þegar deigið hefur lyft sér er það flatt út. Það er fínt að setja meira hveiti á deigið áður en það er flatt út svo það festist ekki við undirlagið.

Síðan er áleggið sett á, rúllað upp og skorið í litla bita - Mexíkóosturinn er rifinn niður með rifjárni.

Bakið í 15 mínútur eða þangað til snúðarnir hafa tekið góðan lit.

Höfundur: Gígja S. Guðjónsdóttir