- +

Ofnbökuð ostaídýfa með maískorni, beikoni, þistilhjörtum og döðlum

Innihald:
4 dl maískorn, látið renna vel af þeim í sigti
3 dl þistilhjörtu í kryddlegi, söxuð
3 vorlaukar, saxaðir
120 g beikon, saxað og steikt stökkt
3 msk. jalapeno í krukku, saxað (3-4 msk.)
2 hvítlauksrif, marin
1 dl majónes
1 poki gratínostur frá Gott í matinn
2 dl rifinn Óðals Cheddar
1 dl saxaðar mjúkar döðlur

Aðferð:

Hrærið öllum hráefnunum saman nema cheddarostinum.

Setjið ídýfuna í frekar stórt eldfast mót og sáldrið cheddarostinum yfir.

Setjið heimilisplast yfir og geymið í kæli eða bakið strax. Stillið þá ofninn á 180° og bakið í 20-25 mínútur. Réttinn er hægt að gera kláran daginn áður.

Berið fram með góðu brauði, kexi eða snakki, t.d. nachos.

Höfundur: Erna Sverrisdóttir