- +

Grilluð camembert- og eplahorn

Innihald:
1 rúlla tilbúið pizzadeig
Hreinn rjómaostur frá Gott í matinn
1 lítið epli, afhýtt og skorið í smáa bita
1 Dala Camembert ostur, skorinn í smáa bita
1 msk. pekanhnetur, fínsaxaðar
Örlítið döðlusíróp eða hunang

Aðferð:

(16 stk.)

Rúllið pizzadeigið út og skerið út 16 þríhyrninga.

Setjið um 1 tsk. af rjómaosti þar sem þríhyrningurinn er breiðastur.

Dreifið eplabitum og osti á hvert horn, efst þar sem það er breiðast.

Sáldrið hnetum jafnt yfir og setjið loks smá klessu af döðlusírópi eða hunangi yfir.

Rúllið upp og grillið á olíupensluðu útigrilli á lágum hita þar til bökuð í gegn.

Hornunum þarf að snúa við af og til.

Hornin má líka baka í ofni við 180°. Leggið þau þá á bökunarplötu klædda bökunarpappír og bakið þar til gullin.

Höfundur: Erna Sverrisdóttir