- +

Græn baunasúpa með beikonbitum

Innihald:
múskat
salt og svartur pipar
1 msk. olía
1 laukur, fínt saxaður
600 g grænar baunir, frosnar
½ lítri kraftmikið kjúklingasoð
200 ml matreiðslurjómi frá Gott í matinn
½ dós sýrður rjómi frá Gott í matinn
6 sneiðar beikon, steikt og skorið í bita

Aðferð:

Setjið olíuna í pott og látið laukinn krauma 6-8 mínútur, þar til hann er glær. Hellið soðinu yfir hann ásamt matreiðslurjómanum, bætið frosnu baununum og múskati við og hitið að suðu. Látið baunirnar sjóða í 8–9 mínútur. Takið þá pottinn af hitanum og maukið baunirnar með töfrasprota þar til súpan verður mjúk og jöfn (eða setjið hana í matvinnsluvél). Hitið aftur upp að suðu. Saltið og piprið eftir smekk. Skreytið súpuna með sýrðum rjóma og beikonbitum. Berið strax fram.

Höfundur: Inga Elsa Bergþórsdóttir