Eplalengja með pekanhnetum

Skref1

• Skerið smjördeigið í tvennt eftir endilöngu svo úr því myndist tvær ílangar ræmur.

Skref2

• Setjið smjör, kanil og sykur í pott yfir meðal háan hita þar til smjörið hefur bráðnað alveg.

Skref3

• Flysjið eplin og skerið þau smátt niður og setjið þau saman við, hækkið hitann og látið eplin krauma í rúmlega 5 mínútur í pottinum, hrærið allan tímann svo blandan brenni ekki.
• Takið pottinn af hellunni og kælið í 5 mínútur.

Skref4

• Bætið hveiti og vanillusykri saman við og hrærið þar til allt hefur blandast vel saman. Skerið pekanhentu gróflega niður og setjið saman við.

Skref5

• Setjið eplablönduna ofan á aðra smjördeigsræmuna og dreifið úr henni jafnt og þétt.
• Setjið hina ræmuna ofan á og festið hliðarnar saman með gaffli.
• Penslið eggjahvítu yfir lengjuna og stráið kanilsykri yfir, gott er að skera aðeins ofan í deigið eins og sjá má á mynd.
• Bakið í 15-20 mínútur eða þar til smjördeigið er orðið fallega gullinbrúnt.

Höfundur: Thelma Þorbergsdóttir