- +

Beikonrúllur með eplum og Óðals Cheddar

Innihald:
10 sneiðar franskbrauð
10 sneiðar beikon
1 grænt epli
Óðals Cheddar ostur

Aðferð:

Flysjið eplið og skerið í þunna báta. Skerið hverja beikonsneið í tvennt. Skerið skorpuna af brauðinu og rúllið yfir hverja sneið með kökukefli þannig að brauðið verði þynnra. Skerið svo hverja brauðsneið í tvennt. Skerið cheddar ost með ostaskera og leggið eina sneið á hvern brauðsneiðar helming, leggið því næst eplabita ofan á og rúllið upp.

Vefjið að lokum beikoni utan um og leggið á bökunarplötu (rúllurnar má líka gera fyrir fram og geyma í ísskáp þar til bakaðar). Bakið rúllurnar við 200 gráður í um það bil 10 mínútur eða þar til osturinn er bráðnaður og beikonið orðið stökkt.

Höfundur: Helena Gunnarsdóttir