- +

Anti Pasti smjördeigsbitar með fetaosti og dijon sinnepi

Innihald:
1 pakki frosið smjördeig, látið þiðna í ísskáp
Dijon sinnep eftir smekk
1 krukka grillaðar paprikur í olíu, smátt skornar
1 krukka grillaðir ætiþistlar í olíu, smátt skornir
sólþurrkaðir tómatar og/eða svartar ólífur eftir smekk (má sleppa)
1 stk Fetakubbur frá Gott í matinn
1 stk egg
ferskt basil

Aðferð:

Skerið smjördeigið í hæfilega bita, gott að miða við að hver sneið sé um 4 munnbitar. Takið paprikur og ætiþistla upp úr krukkunum og skerið í bita. Skerið ramma í hverja deigsneið með beittum hníf en gætið þess að fara ekki í gegn. Hafið rammann um ½ cm á breidd. Stingið með gaffli í deigið innan rammans. Smyrjið svo þunnu lagi af dijon sinnepi á deigið og setjið 1-2 msk af grænmetinu ofan á. Myljið að lokum fetaost yfir og penslið svo rammann með eggi. Bakið við 220 gráður í um 10-12 mínútur. Rífið smá ferskt basil yfir áður en borið fram. Bitarnir eru góðir volgir eða við stofuhita. 

Höfundur: Helena Gunnarsdóttir