- +

Tortillasnittur með hráskinku og fetaosti

Innihald:
1 stk. appelsína
½ tsk. skallottulaukur eða rauðlaukur, fínsaxaður
½ dl grænar steinlausar ólífur, saxaðar
½ msk. ólífuolía
½ tsk. sérrí- eða rauðvínsedik
sjávarsalt og svartur pipar
2 stk. tortillakökur
6 stk. hráskinkusneiðar, hverri skipt í tvennt
hreinn rjómaostur til matargerðar frá Gott í matinn eða annar rjómaostur með bragði
fetaostur eftir smekk, mulinn

Aðferð:

Þessi uppskrift dugar fyrir 12 snittur.

1. Raspið smá börk af appelsínunni og setjið til hliðar. Skerið síðan börkinn af og hreinsið í burtu hvíta lagið. Skerið appelsínuna í smáa bita og setjið í skál. Setjið ólífur, lauk, olíu og edik saman við. Smakkið til með salti og pipar.

2. Ristið tortillakökurnar upp úr smá olíu á pönnu. Skiptið hverri köku í sex bita.

3. Smyrjið hvern bita ríflega með rjómaosti. Setjið ½ hráskinkusneið ofan á, þá vel af appelsínusalsa. Toppið með fetaosti og appelsínuberki. Gott er að mylja svartan pipar yfir.

Höfundur: Erna Sverrisdóttir