- +

Sumarleg ostakaka með grilluðum ávöxtum

Sumarleg ostakaka
275 g hafrakex, fínmulið
100 g smjör, brætt
250 g mjúkur rjómaostur, Gott í matinn frá MS
225 g hreint skyr frá MS
70 g flórsykur
2 msk. mynta, fínsöxuð
150 g maukaðir ávextir, þeir sömu og eru notaðir ofan á kökuna
350 g af ávöxtum í sneiðum, s.s. mangó, ananas, bananar, nektarínur og fersk ber til skreytingar
2 msk. flórsykur

Aðferð:
Blandið fínmuldu kexi og bræddu smjöri saman í skál. Hellið mylsnunni á disk og þjappið henni lauslega niður. Blandið saman rjómaosti, skyri, flórsykri, myntu og ávaxtamauki. Sneiðið niður ávextina, raðið þeim á grillbakka og stráið 2 msk. af flórsykri yfir þá. Grillið ávextina þar til þeir byrja að taka lit. Smyrjið ostakreminu yfir kexbotninn og raðið grilluðum ávöxtum ásamt ferskum berjum ofan á kremið. Hellið safanum sem rennur af grilluðu ávöxtunum yfir kökuna og sáldrið að lokum flórsykri yfir kökuna. Berið strax fram.

Höfundur: Inga Elsa Bergþórsdóttir