- +

Rjómaostaídýfa fyrir ber og ávexti

Innihald:
1 dl rjómi
250 g hreinn rjómaostur til matargerðar eða íslenskur mascarpone ostur, mjúkur
½ dl flórsykur
smakkast til með líkjör að eigin vali, nutella, vanillu, appelsínusafa eða karamellusósu
pekanhnetur eða furuhnetur, má sleppa
ber og niðurskornir ávextir

Aðferð:

Þeytið rjómann.

Blandið osti og flórsykri saman við. Hrærið.

Smakkið til með þeim bragðefnum sem ykkur hugnast.

Setjið í skál og sáldrið hnetum yfir.

Berið fram með berjum og/eða niðurskornum ávöxtum.

Höfundur: Erna Sverrisdóttir