- +

Lúxus helgarbröns

Amerískar pönnukökur með ávaxtasalati
250 g hveiti
2 tsk. lyftiduft
klípa af salti
1 msk. sykur
2 smk. smjör, brætt
300 ml matreiðslurjómi frá Gott í matinn, MS
200 ml hrein jógúrt frá Gott í matinn, MS
1 stk. egg og 3 eggjahvítur
smjör til steikingar
Meðlæti:
500 ml hrein jógúrt frá Gott í matinn, MS
500 g ávextir að eigin vali, skornir í litla bita, t.d. jarðarber, epli, bananar og bláber.

Grísk jógúrt með múslí og hunangi
350 g grísk jógúrt frá Gott í matinn, MS
4 msk. múslí
2 msk. hunang, fljótandi

Melónusalat með fetaosti
½ stk. lítil vatnsmelóna
½ stk. fetakubbur frá Gott í matinn, MS
myntublöð til skreytingar

Morgun-boozt með hreinni jógúrt
500 ml hrein jógúrt frá Gott í matinn, MS
125 g frosin eða fersk bláber
1 stk. banani
½ tsk. engifer, fínrifið
handfylli af klökum

Aðferð:

Amerískar pönnukökur með ávaxtasalati, aðferð:
Um 15 kökur

Blandið saman í skál hveiti, lyftidufti, salti og sykri. Léttþeytið saman matreiðslurjóma, jógúrt, bræddu smjöri og einu eggi í annarri skál. Hrærið síðan saman við hveitið. Stífþeytið eggjahvíturnar og blandið þeim varlega saman við deigið.
Látið deigið standa í skálinni 30 mínútur.
Bræðið klípu af smjöri á pönnu og steikið litlar kökur (um 8-10 cm í ummál og 5 mm á þykkt) Best er að steikja kökurnar á vægum hita, snúið kökunum við þegar deigið er byrjað að þorna í gegn. Haldið þeim heitum undir álpappír í 80°C heitum ofni þar til að allar kökurnar eru steiktar.

Berið pönnukökurnar fram með niðurskornum ávöxtum og hreinni jógúrt.

 

Grísk jógúrt með múslí og hunangi, aðferð:
Handa 2
Skiptið jógúrtinni á milli tveggja skála eða glasa. Sáldrið múslí yfir ásamt hunangi.

 

Melónusalat með fetaosti. aðferð:
Handa 2
Skerið vatnsmelónuna og fetakubbinn í 1 cm bita og blandið til helminga. Berið fram í litlum skálum eða glösum. Skreytið með myntublöðum.

Morgun-boozt með hreinni jógúrt, aðferð:
Handa 2
Handfylli af klökum. Þeytið saman með sprota eða matvinnsluvél. Hellið í glös og berið fram.

 

 

Höfundur: Inga Elsa Bergþórsdóttir