- +

Laxa taco með avocado og lime dressingu

Taco innihald:
2 stk tómatar
jöklasalat
gular baunir
½ stk rauðlaukur
lime
1 stk avocado
kóríander
½ stk fetakubbur frá Gott í matinn, meira ef vill
300 g lax
cayanne pipar
8 stk minnsta gerðin af mjúkum tortilla kökum, má klippa af til að minnka frekar

Avocado og lime dressing
180 g 36% sýrður rjómi frá Gott í matinn
1 stk avocado
safi úr einni lime
7 stk jalapeno sneiðar
kóríander, nokkrir stilkar
smá salt

Aðferð:

Best er að byrja á að útbúa dressinguna, en innihaldinu er einfaldlega blandað saman í matvinnsluvél eða góðum blandara.

Síðan snúum við okkur að sjálfu laxa tacoinu.

Jöklasalatið er saxað niður og tómötum, baunum, rauðlauk og lime safa blandað við svo úr verður ljúffeng salsa.

Avocado er skorið í teninga og fetakubburinn mulinn.

Laxinn kryddaður með nóg af cayanne pipar og grillaður á mínútu grilli eða í ofni. Tortillakökurnar ýmist hitaðar á grillinu eða í ofni. 

Þá er þessu öllu smellt saman, salsa, laxinum, avocado, fetaosti, nóg af dressingu og toppað með smá kóríander.

Höfundur: Gígja S. Guðjónsdóttir