- +

Íspinnar með grískri jógúrt og hindberjasírópi

Síróp
180 gr frosin hindber
2 tsk sykur
1 tsk límónusafi

Jógúrtin
350 gr grísk jógúrt frá Gott í matinn
2 tsk sykur

Aðferð:

Afþíðið hindberin og látið í pott með sykri og límónusafa, sjóðið varlega í 2 mínútur. Pressið þau svo gegnum sigti, setjið maukið aftur í pottinn og sjóðið aðeins niður til þess að fá þykkara síróp. Látið kólna.

Hrærið jógúrtina og sykurinn saman. Hellið sírópinu í íspinnamót, 4 eða fleiri, eftir því hvað þau eru stór. Látið sírópið renna aðeins niður með hliðunum að innanverðu, það gerir skemmtilegt mynstur í ísinn. Fyllið mótin með jógúrtinni og komið pinnunum fyrir. Frystið yfir nótt.

Höfundur: Inga Elsa Bergþórsdóttir