Skref1
- Snöggsteikið lundina í örlítilli olíu í um eina mínútu á hverri hlið, allan hringinn.
- Saltið og piprið kjötið.
- Takið af pönnunni og látið standa í 15-20 mínútur.
- Vefjið lundinni þá í plastfilmu og stingið í frysti í 1-2 klukkustundir.
Skref2
- Að því loknu er þægilegt að skera kjötið í þunnar sneiðar.
- Leggið sneiðarnar á plastfilmu, setjið aðra filmu yfir og rúllið yfir sneiðarnar með kökukefli eða flösku.
- Farið varlega svo sneiðarnar skemmist ekki.
- Leggið á disk.
Skref3
- Blandið olíu og sítrónusafa saman við salatið og leggið það á miðjan diskinn, ofan á kjötsneiðarnar.
- Dreypið ferskum sítrónusafa yfir. Rífið parmesanost yfir diskinn.
- Hrærið saman olíu og balsamikedik, berið fram með matnum.
Höfundur: Halla Bára Gestsdóttir