- +

Fetaostasalat með rauðrófu-perlubyggi og lambakjöti

innihald
400 g lambafile, án fitu
2 stk hvítlauksrif, marin
1 msk ólívuolía
2 msk sherryedik eða rauðvínsedik
nokkrar chilíflögur, eða eftir smekk
sjávarsalt og svartur pipar

fetaostasalat
2 dl perlubygg
5 dl vatn
1 stk grænmetisteningur
1 stk lítil rauðrófa, u.þ.b. 200 g, afhýdd og skorin í smáa teninga
125 g fetakubbur, mulinn
1 stk epli, afhýtt, kjarnhreinsað og skorið í litla teninga
1 stk skallottulaukur, skorinn í þunnar sneiðar
fræ úr 1 granataepli
handfylli af myntu, söxuð
2 stk handfylli af klettasalati
½ dl graskersfræ

salatsósa
fínrifinn börkur af 1 sítrónu
2 msk sítrónusafi
3 msk sítrónuolía eða ólívuolía
hunang
svartur pipar

Aðferð:

 

1. Byrjið á að sjóða perlubygg. Látið það í pott og setjið vatn, grænmetistening og rauðrófubita út í. Látið suðuna koma upp. Setjið þá lok á pottinn, lækkið hitann og látið malla í 15 mínútur eða þar til allur vökvi er uppgufaður. Leggið til hliðar.

2. Veltið lambafile upp úr 1 msk af ólívuolíu og ediki. Setjið nokkrar chilíflögur saman við, saltið og piprið. Látið hvíla í 5 mínútur. Steikið á pönnu eftir smekk en þó ekki of mikið. Látið kjötið hvíla í 5 mínútur og skerið svo í örþunnar sneiðar.

3. Pískið saman fyrstu þrjú hráefnin sem eiga að fara í salatsósuna. Smakkið til með hunangi og pipar. Blandið saman við soðið perlubygg.

Höfundur: Erna Sverrisdóttir