Salat með hægelduðum tómötum og fetaosti | gottimatinn.is
- +

Salat með hægelduðum tómötum og fetaosti

Hægeldaðir tómatar og fetaostur:
Kirsuberjatómatar, eða aðrir góðir
Fetaostur, í teningum eða heill rifinn niður
Hvítlaukur, rifin tekin sundur, mega vera í hýðinu
Ferskt timjan eða önnur kryddjurt, má sleppa en gefur gott bragð
Salt og pipar
Góð ólífuolía

Í salatið:
Ferskt salat að eigin vali, t.d. romain-salat
Góður túnfiskur
Svartar ólífur
Soðin egg
Sýrður rjómi
Ristað brauð

Dressing:
4 msk. góð ólífuolía
1 msk. edik, t.d. epla- eða hvítvínsedik
1 msk. dijon sinnep
salt og pipar

Aðferð:

Athugið að hlutföll verða að fara eftir smekk þegar salat sem þetta er sett saman.

 

Hægeldaðir tómatar og fetaostur, aðferð:

Hitið ofn í 160 gráður. Skerið tómata í tvennt, setjið í ofnfast fat. Hvítlauksrif með. Dreifið úr fetaosti yfir. Salt og pipar. Ólífuolía og timjan. Þetta fer í ofninn og látið hægeldast þar til tómatarnir eru lungamjúkir og farnir að þorna aðeins upp og hvítlaukurinn er gullinn og sérlega mjúkur.

 

Í salat:

Salat, túnfiskur, ólífur og egg er hráefni sem fer í salatið með tómatablöndunni. Athugið að bakaði hvítlaukurinn getur að sjálfsögðu farið í salatið en einnig er gott að rista brauð, smyrja það með sýrðum rjóma og kreista hvítlaukinn yfir. Borða brauðið með salatinu.
 
Dressing, aðferð:
Hrærið allt hráefnið saman.
 

Samsetning:

Það er hægt að setja salatið saman og bera fram á stóru fati en einnig er fallegt að bera bakaða tómatana fram á fati og annað hráefni í skálum svo hver og einn setji saman salatdisk fyrir sig. 

Höfundur: Halla Bára Gestsdóttir