Lúxus kartöflugratín með Havarti pipar | gottimatinn.is
- +

Lúxus kartöflugratín með Havarti pipar

Innihald:
2 stórar bökunarkartöflur
1 sæt kartafla
3 dl kjúklingasoð (1 msk. / 1 teningur kjúklingakraftur og vatn)
50 g smjör
100 g Havarti pipar
Salt og nýmalaður pipar

Aðferð:

Hitið ofn í 170 gráður. Skerið kartöflurnar í mjög þunnar sneiðar og raðið í eldfast mót, bökunarkartöflur og sætar kartöflur til skiptis. Setjið vatn, kjúklingakraft og smjör í pott, bræðið saman og hellið yfir kartöflurnar. Skerið ostinn í sneiðar og stingið sneiðunum inn á milli kartaflanna. Stráið smá salti yfir ásamt vel af svörtum pipar. Setjið álpappír yfir fatið og bakið í ofni í 50 mínútur. Takið þá álpappírinn af, hækkið hitann í 200 gráður og bakið áfram í 15 mínútur eða þar til osturinn er bakaður og kartöflurnar gullinbrúnar. 

Höfundur: Helena Gunnarsdóttir